Хүүхэд 6-12 сартайдаа амьдралынхаа анхны алхмыг хийж эхэлдэг. Энэ үедээ хөл нүцгэн байх нь алхах дадлыг зөв хэвшүүлэхээс гадна хөлийн улын мэдрэмжээр дамжуулан хорвоо ертөнцтэй танилцаж, улмаар оюуны хөгжилд эерэгээр нөлөөлдөг. Харамсалтай нь бидний амьдарч буй орчин, амьдралын хэв маяг хүүхдийг үргэлж хөл нүцгэн байх боломжгүйд хүргэж байна. Мөн хүүхдийн ихэнх гутал хэтэрхий хатуу байдаг тул хөлийн хурууны хөдөлгөөнийг хязгаарлаж, танин мэдрэх үйл явцад саад болдог.

Тиймээс орчин үед хүүхдийн эмч нар, хөдөлгөөн засалчид хүүхдийг хөл нүцгэн байлгах, хөл нүцгэн мэт гутал өмсүүлэхийг зөвлөдөг болсон билээ. Аттипас энэ шаардлагад төгс нийцэх ба хөл нүцгэн мэт мэдрэмжид хамгийн ойр, өсгийний даралтыг маш сайн дэмждэг уян хатан гутал юм. Бяцхан үрийнхээ анхны алхамд зориулан Аттипасыг сонгох нь эрүүл мэнд болон оюуны хөгжилд хөрөнгө оруулж буй ухаалаг сонголт байх болно.